Jenerali Muhoozi Kainerugaba umujyanama wa Perezida Museveni yaserutse ashimagiza umujyanama wa Perezida w’u Rwanda mu by’umutekano, Jenerali James Kabarebe anavuga ko ariwe afatiraho urugero.
Uyu mujyanama akaba n’umuhungu wa Perezida Museveni, yatangaje ibi mubutumwa yacishije k’urukuta rwe rwa Twitter, aho yavuze ko Jenerali James Kabarebe ari umusirikare w’icyitegererezo, ndetse ko adashobora kwigerereranya nawe bibaho, ahubwo avuga ko amufatiraho urugero.
Yabivuze muri aya magambo, agira ati “Hari umujenerali ukomeye cyane kundusha mu buzima . Izina rye ni Jenerali James Kabarebe. Ni umusirikare mwiza kundusha,ariko ubu turi inshuti, Ntitujya tuganira ibyo guhangana nk’uko Abategetsi bacu baharanira amahoro”
Jenerali James Kabarebe ni umwe mu bahoze mu ngabo za Uganda ndetse ari mubafashije NRA kubohora Igihugu.
Yavuye mu ngabo za Uganda aje mu ngabo za FPR Inkotanyi zari zije kubohora u Rwanda.
Uyu muhungu wa Perezida Museveni ni umwe mu bantu bakoresha Twitter cyane kuburyo hari n’abari batangiye kuvuga ko yaba ayikoresha mukugaragaza ibitekerezo bye kugira ngo aziyamamarize kuyobora Uganda abantu bose baramukunze.
Umuhoza Yves
