Munyarugerero Canisius Umuvugizi wungirije wa M23 mubya politiki, yagize icyo avuga ku biheruka gutangazwa n’Umutwe wa M23 ko wemeye gushyira intwaro hasi ukava no mu bice wigaruriye.
Canisius Munyarugerero, yavuze ko n’ubwo umutwe wa M23 wemeye ko ugomba gushyira intwaro hasi ukanava mu bice wamaze kwigarurira muri Teritwari ya Rutshuru na Nyiragongo ,utazapfa kubishyira mu bikorwa mu gihe Ubutegetsi bwa DRC bahanganye, butaremera gushyira mu bikorwa ibyo babusabye.
Yagize ati:” Kwemera ni kimwe ariko no gushyira mu bikorwa ni ikindi. N’ubwo twemeye gushyira intwaro hasi tukanava mu bice twigaruriye muri Rutshuru na Nyiragongo, ntabwo tuzabishyira mu bikorwa mu gihe Ubutegetsi bwa DRC, butaremera ibyo twabusabye.”
Muby’ibanze umutwe wa M23 wakunze gusaba Ubutegetsi bwa DRC, harimo kwemera kwicarana nawo bakagirana ibiganiro imbona nkubone, gucyura impunzi z’Abanyekongo bavuga Ikinyarwanda bari mu nkambi mu bihugu byo mu Karere k’Ibiyaga bigari , kubizeza umutekano no kubaha uburenganzira bwabo kimwe nk’abandi Banyekongo.
HATEGEKIMANA Claude
Rwandatribune.com
