Breaking news : Maj.Nshimiyimana Cassien uzwi nka Gavana wari Komanda CRAP wa RUD urunana yishwe

Umutwe w’abakomando wo munyeshyamba za M23 umaze kwigamba igitero cyahitanye Maj.Nshimiyimana Gavana Komanda mukuru wa RUD urunana  inyabanira.

Umunyamakuru wacu uri Kiwanja avugako abarwanyi icyenda babarizwaga mu mutwe wa CRAP ya RUD urunana bicanywe na Major Nshimiyimana Cassien uzwi ku mazina ya Gavana.

Isoko yamakuru ya Rwandatribune iri Nyabanira ivugako imirwano yatangiye ku isaha ya saa Saba ubwo abakomando ba M23,binjiye mu birindiro by’umutwe wa RUD urunana bagatangira kurasana na RUD urunana,kugeza ubwo uwari ukuriye umutwe wa RUD urunana yaje guhita yicwa na mudahusha wo mu mutwe w’inyeshyamba wa M23.

Umwe mu baturage batuye mu gace ka Nyabanira avugako uyu Maj Gavana yaba yatungiwe agatoki na bamwe mu nyeshyamba za RUD urunana,bari bamaze iminsi bapfa amafranga,muri abo hatunzwe agatoki Ajida Yasolo,Sgt Sinayi Clement  na Lt.Col Bushegeri usanzwe ashinzwe ibikorwa bya gisilikare.

Major Nshimiyimana Cassien niwe wagabye igitero cyishe abaturage basaga 20 mu Karere ka Musanze ho mu murenge wa Kinigi,yavutse mu mwaka wa 1971, avukira mu cyahoze ari Komini kidaho, Perefegitura ya Ruhengeri ubu ni mu Karere ka Burera.

Mwizerwa Ally