Indege y’intambara y’Igisirikare cya Congo yongeye kwinjira mu kirere cy’u Rwanda

Indege y’igisirikare cya Repubulika Iharanira Demokarasi ya Congo yo mu bwoko bwa Sukhoi-25 isanzwe ikoreshwa mu ntambara, yongeye kuvogera ikirere cy’u Rwanda yinjira mu Karere ka Rubavu.

Amakuru yizewe agera kuri Rwandatribune, avuga ko iyi ndege ya Sukhoi-25 yageze mu kirere cy’u Rwanda mu masaha y’igitondo cyo kuri uyu wa Gatatu tariki 28 Ukuboza 2022.

Ubwo iyi ndege yavogeraga ikirere cy’u Rwanda, ingabo z’u Rwanda zabaye nk’izirasa mu kirere kugira ngo iyi ndege idakomeza kuvogera u Rwanda, ikaza guhita isubira muri Congo.

Mu kwezi gushize k’Ugushyingo 2022, indi ndege yo muri ubu bwoko y’Igisirikare cya Congo Kinshasa na bwo yari yavogereye ikirere cy’u Rwanda bwo iraza inagwa ku kibuga cy’indege cya Rubavu, ihamara akanya gato ihita yongera isubirayo.

RWANDATRIBUNE.COM