Umukecuru witwa Nyiramandwa Rachel wari inshuti ya Perezida Paul Kagame wanigeze kumusura aho atuye muri Nyamagabe, yitabye Imana ku myaka 110.
Nyiramandwa wakundaga kugaragaza ko akunda Perezida Paul Kagame, yitabye Imana mu ijoro ryacyeye.
Uyu mukecuru witabye Imana ku myaka 110, yari yasuwe n’Umukuru w’u Rwanda mu kwezi kwa Munani uyu mwaka wa 2022.
Perezida Paul Kagame yasuye uyu mukecuru mu rugo rwe aho yari atuye mu Kagari ka Ngiryi mu Murenge wa Gasaka mu Karere ka Nyamagabe.
Icyo gihe ubwo Perezida yasuraga uyu mukecuru, yamugaragarije ko amukunda bihebuje, ndetse yongera kumubwira imbonankubone indirimbo yumvikanamo ibisigo bigaruka ku butwari bwe.
Ni ku nshuro ya kane bari bahuye kuko banahuye muri 2010 ubwo Perezida Kagame yagiriraga uruzinduko muri aka Karere, bongera muri 2017 no muri 2019 ubwo Perezida Kagame yasuraga aka Karere.
RWANDATRIBUNE.COM
