Chelsea ubu ifite ikibazo cy’ibihano kubera kugura abana bakiri bato mu buryo bunyuranije n’amategeko, ubu ikaba itemerewe kugura umukinnyi n’umwe muri iyi mpeshyi ikaba yamaze gutangaza ko Alvaro Morata benshi baribazi ko agomba kugarurwa, nawe yamaze kugurishwa muri Atletico de Madrid yo mu gihugu cya Espagne.
Alvaro Morata yaramaze igihe kirenga amezi atandatu y’intizanyo muri iyi kipe yo mu gihugu cya Espagne , aho yayigezemo mu kwezi kwa mbere nyuma yuko umutoza watozaga Chelsea ariwe Maurzio Sari yizaniye rutahizamo Gonzalo H iguan banabanye mugihugu cy’ubutaliyani mu ikipe ya Napoli.
Kuza kwa Higuan muri Chelsea byatumye ikipe ya Atletico de Madrid ihitamo kubwira Chelsea ko yaba ibatije uyu Alvaro Morata bo bakaba bamubyaza umusaruro. Uyu rutahizamu ukomoka mu gihugu cya Espagne yakomeje gutangaza ko atifuza kugaruka Stamford bridge ahubwo ko aya makipe yombi amufashije yaganira ubundi bakareba uburyo yakwigumira muri iyi kipe ya Atletico de Madrid.
Kuri uyu wa gatandatu rero nibwo ikipe ya Chelsea itangaje ko Alvaro Morata w’imyaka 24 yamaze kuba umukinnyi wa Atletico de Madrid ku buryo buhoraho.
