Mu Murenge wa Nyamyumba mu Karere ka Rubavu, umugabo wari ukurikiranyweho kwica mushiki we babanaga, akanamuhamba mu ibanga, yishwe arashwe ubwo yageragezaga gutoroka inzego zari mu iperereza.
Uyu mugabo yishwe arashwe n’inzego z’umutekano kuri uyu wa Gatandatu tariki 07 Mutarama 2023 ubwo inzego zari zimujyanye ahabereye iki cyaha kugira ngo zikore iperereza.
Uyu mugabo wari ujyanywe n’inzego ngo azereke igikoresho yakoresheje muri ubu bwicanyi yakoze, aho kugira ngo akerekane ashaka kwiruka.
Inzego zarimo iz’umutekano zanze kumurebera izuba, na zo zihita zimurasa, ahita agwa aho.
Ubu bwicanyi yakekwagaho bwabaye muri iki cyumweru, butahurwa ku wa Gatatu ubwo habonekaga umurambo wa mushiki we yari yishe agahita amuhamba mu rugo babanagamo.
RWANDATRIBUNE.COM
