Imirwano ihanganishije umutwe wa M23 n’inyeshyamba za FPP-Abajyarugamba i Katwiguru yaguyemo abarwanyi 5 ba FPP, mu gihe Maj.Byumba yakomeretse.
Nkuko byemejwe n’isoko ya Rwandatribune iri muri Lokarite ya Katwiguro, Gurupoma ya Binza, Teritwari ya Rutshuru, bivugwa ko abarwanyi b’umutwe w’inyeshyamba z’Abanyarwanda za FPP-Abajyarugamba ari zo zatangije ibitero ku birindiro bya M23 biri i Katwiguru.
Intego y’iki gitero kwari uguhorera Maj Gavana wari ukuriye umutwe wa CRAP ya RUD-Urunana uherutse kwicwa na M23.
Muri iki gitero havuzwe Abarwanyi bane ba FPP-Abajyarugamba biciwe muri iyo mirwano, mu gihe Maj.Byumba wari ukiyoboye yagikomerekeyemo.
Sosiyete Sivile ikorera muri ako gace yatangaje ko nyuma y’iyo mirwano, umutwe wa M23 wafashe imirambo itatu y’abarwanyi ba FPP-Abajyarugamba, maze iyijyana ku kibuga cy’umupira cya Amani, mu rwego rwo kuyirangisha ariko ibura ba nyirayo, byatumye M23 ibihambira.
Ally MWIZERWA
RWANDATRIBUNE.COM
