Umuhungu wa Perezida Yoweri Kaguta Museveni, General Muhoozi Kainerugaba, yatangaje ko isabukuru ye y’amavuko y’imyaka 49, azayizihiriza i Kigali kandi ko yishimiye kuzaba ari kumwe na “my uncle” Perezida Paul Kagame.
Yabitangaje mu butumwa yanyujije kuri Twitter mu gitondo cyo kuri uyu wa Kane tariki 19 Mutarama 2023.
Uyu muhungu wa Museveni ukunze kwisanzura mu bitekerezo atanga kuri Twitter, mu gitondo cya none yavuze ku isabukuru ye y’amavuko y’imyaka 49 ateganyije kwizihiza tariki 24 Mata.
Yagize ati “Nishimiye gutangaza kubamenyesha ko kwishimira isabukuru y’amavuko yanjye y’imyaka 49 bizabera i Kigali.”
Yakomeje avuga ko impamvu yahisemo kwizihiriza iyi sabukuru ye mu Mujyi wa Kigali ari uko ari “Umujyi mwiza w’agatangaza kurusha indi muri Afurika y’Iburasirazuba.”
Nanone kandi ngo yishimiye kuba Perezida Paul Kagame akunda kwita Se wabo, azaba ari kugenzura ibikorwa byose by’iyi sabukuru ye.
Muhoozi ubwo yihizaga isabukuru y’imyaka 48 yabereye muri Uganda, yatumyemo Perezida Paul Kagame na we arabyitabira, ndetse umukuru w’u Rwanda amushimira uruhare yagize mu kuzahura umubano w’Ibihugu byombi wari umaze igihe urimo urunturuntu.
RWANDATRIBUNE.COM
That is great