Umuhungu wa Perezida wa Teodoro Obiang Nguema Mbasogo, yafunzwe akurikiranyweho kugurisha indege imwe mu z’Igihugu.
Uyu muhungu wa Obiang Nguema witwa Ruslan Obiang Nsue, yafunzwe tariki 17 Mutarama 2023, nyuma yuko iperereza rigaragaje ko akekwaho kugurisha mu buryo ibanga indege imwe mu za kompanyi y’Igihugu izwi nka Ceiba Intercontinental.
Iperereza rigaragaza ko iyi ndege imaze imyaka ine igurishijwe kuko yagurishijwe muri 2018 ubwo yari yajyanywe i Burayi muri Espange gukoreshwa ariko uyu muhungu wa Perezida akaza guca ruhinganyuma akayigurisha.
Bivugwa ko iyi ndege yaguzwe na sosiyete ikora indege izwi nka Binter Technic yo ku ku Mugabane w’u Burayi muri Espagne.
Ruslan Obiang Nsue yafunzwe kugira ngo abazwe ubu buriganya akurikiranyweho bwo kugurisha indege ya Kompanyi y’Igihugu yo mu bwoko bwa ATR 72-500.
RWANDATRIBUNE.COM
