General Muhoozi Kainerugaba, umuhungu wa Perezida Yoweri Kaguta Museveni, yatangaje ko agomba kumusimbura ku ntebe yo kuyobora Uganda.
Museveni yabitangaje mu butumwa yanyujije kuri Twitter, atajya aha agahenge mu gushyiraho ibitekerezo, aho muri iki cyumweru yisanzuye bidasanzwe akavuga akamuri ku mutima.
Mu butumwa yanyujijeho mu ijoro ryo kuri uyu wa Gatanu tariki 20 Mutarama 2023, General Muhoozi Kainerugaba yagize ati “Nzaba Perezida w’iki Gihugu nyma ya Papa wanjye.”
Muri ubu butumwa bwe, Muhoozi yakomeje akurira inzira ku murima abahirahira kwitambika uyu mugambi we, ati “Abari kurwanya uyu mugambi bamaze gutsindwa. MK (Muhoozi Kainerugaba) agomba kuzatsinda.”
Muhoozi atangaje ibi nyuma yuko mu cyumweru gishize yari yatangaje abantu ashyize mu myanya barimo umuvugizi we ari we Andrew Mwenda, wanagize icyo amuvugaho muri iki cyumweru.
Umunyamakuru Andrew Mwenda uzwi cyane mu karere, aherutse gutangaza ko Muhoozi adahanganye na se ndetse ko nta n’undi bahanganye na we ariko ko ari umwe mu bantu bashishoza Uganda ifite.
RWANDATRIBUNE.COM
