Nyuma yuko imirwano hagati ya FARDC na M23, yuburiye muri Kitshanga, n’ubu rwakomeje aho impande zombi zikomeje guhangana.
M23 irashaka kwamurura FARDC kugira ngo uyu mutwe ufate umujyi wa Kitshanga wose ariko igisirikare cya Congo na cyo cyabambye.
Gusa uyu mutwe wa M23 wafashe kimwe mu bice bya Kitshanga aho wanasanze FARDC n’imitwe bakorana batwitse ibikorwa byo muri icyo gice.
Amakuru aturuka muri Cong Kinshasa, avuga ko no mu gitondo cyo kuri uyu wa Gatatu tariki 25 Mutarama 2023, imirwano yakomereje muri Kitshanga ahakomeje kumvikana urusaku rw’amasasu.
M23 yo yari yaraye itangaje ko yafashe Kitshanga yose ariko amakuru atangwa ubu avuga ko FARDC ikomeje kwihagararaho mu gihe M23 na yo itayoroheye kuko ikomeje kuyotsa igitutu mu masaru aremereye ari guturuka ku mpande zombi.
RWANDATRIBUNE.COM
