Imirwano ihanganishije Igisirikare cya Repubulika Iharanira Demokarasi ya Congo (FARDC) n’umutwe wa M23, yakomeye i Masisi aho FARDC yongeye kurwana isubira inyuma, mu gihe M23 yagendaga ijya imbere.
Ni imirwano yakomeye kuri uyu wa Kabiri tariki 07 Gashyantare 2023 muri iyi Teritwari ya Masisi mu Ntara ya Kivu ya Ruguru.
Abatuye mu bice byabereyemo imirwano y’uyu munsi, bavuga ko yaganaga mu misozi ya Ruvunda mu bilometero 25 uvuye muri Lokalite ya Sake mu majyepfo ya Masisi byumwihariko hagati ya Lokalite za Kirolirwe na Mashaki.
Iyi mirwano yabaye kuri uyu wa Kabiri, yatumye bamwe mu baturage bo muri ibi bice yabereyemo, bava mu byabo mu gihe umutwe wa M23 wagendaga ujya imbere.
Naho muri Sheferi ya Bwito muri Teritwari ya Rutshuru ho haravugwa agahenge mu bice byose biri kugenzurwa na M23.
RWANDATRIBUNE.COM
