Kuki abavuga ko barwanya Leta y’u Rwanda bagaragaza ibibazo bitagira ibisubizo byabyo?

Bamwe mubanyapolitiki bavuga ko barwanya Leta y’u Rwanda bakunze gutangaza inkuru zigaragaza ibibazo biri mu Rwanda ndetse n’ubutegetsi buriho bakavuga ko ntacyo bukora ngo burangize ibyo bibazo bibangamiye abanyagihugu, ariko nyamara ntibajya basohora inkuru zigaragaza, ibisubizo by’ibibazo baba bagaragaje ngo bareke kuba muri byacitse gusa.

Muri iyi minsi abarwanya ubutegetsi bw’u Rwanda cyane cyane abakorera k’umugabane w’iburayi bakomeje gutangaza u Rwanda rwugarijwe n’ibizazane, birimo iterambere rike, inzara,ubwisanzure buke ndetse bakanemeza ko ntabuhari rwose.

Ibi biri mubyahagurukije urubyiruko rubarizwa muri za mirongo rwifashishije imbuga nkoranya mbaga, maze batangira kubaza aba bantu impamvu imvugo zabo zihoramo byacitse gusa ntihigere habonekamo icyiza na kimwe.

Umwe mubagize uru rubyiruko yibasiye abarimo Padiri nahimana amubaza impamvu atagaragaza ukuri kwe ndetse n’icyo ateganya kumarira abanyarwanda, kugira ngo imbaga nyamwinshi y’abatuye u Rwanda bamuyoboke hanyuma bateze imbere igihugu cyabo, ahubwo agakomeza kubunza akarago mu bihugu by’abazungu aho kuza gushyira mu bikorwa Politiki ye.

Siwe gusa kandi wabajijwe impamvu akomeza kubunda bunda iyo mu mahanga kandi afite igihugu cye  cyimukunda anatekereza guteza imbere nyamara ntafate iyambere ngo afashe abo bose bakabaye bakoresha imbaraga zabo aho kuzitagaguza mubihugu bitanabibashimira.

Urubuga rugizwe n’urubyiruko rusa n’urutunzwe no gusebya Leta y’u Rwanda rwitwa Jambo ASBL, akenshi rugizwe n’abana bafite ababyeyi basize bakoze ibyaha bitandukanye mu Rwanda barangiza bagahungira mu bihugu by’I Burayi narwo rwabajijwe impamvu babona ibibi ariko ntibabone ibyiza, kandi byigaragaza , nyamara iteka ugasanga baba birebera gusa ibitagenze neza ariko nabyo ntibagaragaze uko byakemurwa.

Uru rubyiruko rugasaba aba bavuga ko barwanya Leta y u Rwanda gushyira umupira hasi bagakina cyangwa bakemera ko ntacyo bashoboye.-

(https://colorreflections.com)