Igisirikare cya Repubulika Iharanira Demokarasi ya Kongo (FARDC) kuri uyu wa gatanu, taliki ya 16 Kanama 2019 mu gitondo kigaruriye ibiturage bya Vusamba na Munoli, muri Sheferi ya Baswagha, Teritwari ya Lubero muri Kivu y’Amajyaruguru.
Nkuko byatangajwe n’umuyobozi wa Teritwari ya Lubero ihana imbibi na Teritwari ya Beni, Richard Nyembo, ngo FARDC yirukanye muri ibyo biturageabarwanyi b’uutwe wa Mai Mai/Mazembe nyuma yo gukozanyaho.
Mu ijoro ryakeye ro kuri uyu wa kane taliki ya 15 Kanama uyu mwaka, agatsiko k’abarwanyi ba Mai Mai/Mazembe kari gafite ibirindiro muri Munoli, kafashe icyemezo cyo kujya mu giturage cya Vusamba bashaka kuhashinga ibindi birindiro. Abandi barwanyi b’uyu mutwe witwaza intwarobari basanzwe bagenzura Vusamba ngo barabyanze biba ngombwa ko impande zombi zo mu mutwe umwe zihangana.
Nkuko byemezwa n’umuyobozi wa Teritwari ya Lubero, ngo umukuru w’igiturage cya Munoliyarishwe, abasivili babiri bakomeretswa n’amasasu muri iyi mirwano nk’uko Radio okapi yabitangaje.
Mu gitondo cyo kuri uyu wa gatanu, nibwo FARDC yagabye igitero ku biturage byari bifitwe n’uyu mutwe biri mu gace ka Munoli na Vusamba yirukanamo iyo mitwe ibiri ya Mai Mai/Mazembe.
Amakuru atavuga neza umubare wa nyawo w’abaguye muri iyo mirwano, aremeza ko inyeshyamba zahungiye giturage cya Masumo gituranye na Munoli ndetse na Vusamba, ugana mu majyaruguru ya Lubero.
