Igikuba cyacitse mu batuye Goma, barikanga ko M23 ishobora gufata uyu mujyi itarwanye

Abanye congo batuye mu ujyi wa Goma, bakomeje kugira igihugunga no kugaragaza impungenge ziturutse k’ukuba  M23 ishobora gufata uyu mujyi bitayigoye nyuma yo gufunga umuhanda Goma-Masisi.

Amakuru y’iriwe acicikana ku mbugankoranyambaga mu mujyi wa Goma, humvikana umugabo avuga ko M23 yamaze gupanga uko izafata umujyi wa Goma bitayigoye na gato.

Uyu mugabo, akomeza avuga ko afite amakuru yiziwe y’uko M23 iri gutegura gufata Goma  , abarwanyi bayo  bamwe baturutse i Mubumba abandi Kilimanyoka  bivuze ko bazareka agise ya Kibumba bagakomeza  Kanyamahoro na Kanyarucinya, bagamije kwinjira mu mujyi wa  Goma.

Aba banye congo, bongeye gutunga urutoki u Rwanda bavuga ko arirwo ruri gufasha  M23 gutegura uwo mugambi ndetse  ko hari abarwanyi ba M23 bari mu Rwanda, biteguye guhita binjira i Goma bagamije gufata ikibuga cy’indege n’ibikoresho bya gisirikare bya FARDC bihabarizwa.

Bemeza kandi ko mu kiyaga cya Kivu, naho hari amato ya gisirikare agamije gukumira ubufasha ubwaribwo bwose bwanyuzwa muri icyo kiyaga buturutse i Bukavu, cyane cyane ko M23 yizeye neza ko nta bufasha FARDC yabona bunyuze mu nzira z’ubutaka kuko imihanda yose ihuza Goma n’utundi duce ariyo iri kutugenzura  .

Bongeraho ko intego ya M23 , ari ugufata Goma itarwanye bikamera nko kuza kwitoragurira.

Twagerageje kuvugana na Maj Willy Ngoma umuvugizi wa M23 mubya gisirikare kugirango agire icyo avuga kuri izi  mpungenge z’abatuye mu mujyi wa Goma, ariko ntiyabasha gusubiza kugeza ubwo twandikaga iyi nkuru.

Gusa abari gukurikiranira hafi uburyo M23 iri kurwanamo muri iyi minsi ,baremeza ko uyu mutwe uri gukora igisa no kugota umujyi wa Goma kuko imihanda myinshi y’ubutaka iwuhuza n’utundi  irimo Goma-Rutshuru, Goma-Masisi n’iyindi  ariyo iri kuyigenzura.

umva hasi hano uko babivuga :