Urwego rw’Igihugu rw’Ubugenzacyaha RIB rwasohoye imyirondoro y’umugabo ukekwaho icyaha cyo kwica umugore we mu Murenge wa Kimisagara mu Karere ka Nyarugenge mu Mujyi wa Kigali.
Iri tangazo ryashyizwe hanze na RIB muri iki gitondo, rifite umutwe ugira uti “Urwego rw’Ubugenzacyaha (RIB) rurashakisha Sebanani Eric uzwi ku izina rya Kazungu.”
RIB yagaragaje imyirongo y’uyu mugabo uri guhigishwa uruhindu, ivuga ko ari mwene Maridadi (Se) na Mukamusoni Rose (Nyina).
Iri tangazo rigira riti “Akurikiranyweho icyaha cyo kwica umugore we agahita acika. Icyaha yagikoze tariki 07/03/3023 mu Karere ka Nyarugenge, Umurenge wa Kimisagara.”
Urwego rw’Igihugu rw’Ubugenzacyaha rusanga uwabona uyu mugabo wese yakwihutira gutanga amakuru kuri Sitasiyo ya RIB cyangwa ya Polisi imwegereye.
RWANDATRIBUNE.COM
