Igisirikare cy’u Rwanda cyagaragaje agahinda cyatewe n’urupfu rwa General (Rdt) Marcel Gatsinzi wagize imyanya inyuranye mu buyobozi bw’ingabo z’u Rwanda irimo kuba yarabaye Minisitiri w’Ingabo, wapfiriye mu Bubiligi.
Bikubiye mu itangazo ryashyizwe hanze n’ubuyobozi bw’Ingabo z’u Rwanda kuri uyu wa Gatatu tariki 08 Werurwe 2023.
Iri tangazo, RDF itangira ivuga “yababajwe n’urupfu rwa Gen (Rtd) Marcel Gatsinzi. Yapfiriye mu bitaro byo mu Bubiligi ku ya 06 Werurwe.”
Ubuyobozi bwa RDF kandi bukomeza buga ko General (Rtd) Marcel Gatsinzi yagiyze imyanya itandukanye mu buyobozi bw’ingabo z’u Rwanda.
Muri iyi myanya, hari kuba yarabaye Ministiri w’Ingabo kuva muri 2002 kugeza muri 2010, anaba Minisitiri w’Ibiza n’impunzi kuva muri 2010 kugeza muri 2013.
Ubuyobozi bw’Ingabo z’u Rwanda buvuga ko bwihanganishije umuryango wa nyakwigendera kandi ko RDF yifatanyije na wo.
RWANDATRIBUNE.COM
