Umuryango wa General Gatsinzi Marcel witabye Imana mu minsi ishize, n’ubuyobozi bw’Ingabo z’u Rwanda, bakoze umuhango wo kumusezeraho no kumushyingura.
Uyu muhango wabaye kuri uyu wa Kane tariki 16 Werurwe 2023, wabanjirijwe n’igitambo cya misa cyabereye muri Regina Pacis mu Mujyi wa Kigali.
Igitambo cya misa kitabiriwe n’abayobozi bakuru mu buyobozi bukuru bw’Igihugu ndetse no mu buyobozi bwa RDF.
Uyu muhango kandi witabiriwe n’abajenerali barimo General James Kabareba, Umujyanama wa Perezida Kagame mu by’umutekano, General Patrick Nyamvumba wigeze kuba Umugaba Mukuru w’Ingabo z’u Rwanda.
Uyu muhango wo guherekeza bwa nyuma nyakwigendera General Marcel Gatsinzi, urakurikirwa no gushyingura bibera mu irimbi rya Gisirikare i Kanombe.
Umugore wa nyakwigendera kandi yaboneyeho kugaruka ku mateka yaranze umugabo we akiriho, avuga ko yari umuntu wicisha bugufi kandi uhora aharanira inyungu rusange aho kureba ku nyungu ze bwite.
Photos/Igihe
RWANDATRIBUNE.COM
