Urukiko rwa Gisirikare rwo muri Kivu y’amajyepfo, rwaciye urubanza rw’umu Coloneri wa FARDC akaba n’umuyobozi w’umutwe w’inyeshyamba wa Raila Mutomboki, rumugira umwere ku byaha yari akurikiranweho, birimo ibyaha byibasiye inyoko muntu.
Ni urubanza rwaciwe kuri uyu wa 10 Mata 2023, ubwo uyu muyobozi w’umutwe w’inyeshyamba wa Raila Mutomboki,witwa Charlequin Takungomo Mukambilwa, yagizwe umwere n’urukiko rwa Gisirikare ruvuga ko umushinjacyaha nta bimenyetso bihagije yatanze byatuma akomeza gufungwa.
Umucamanza yatangaje ko kuba ubushinjacyaha nta bimenyetso bihagije bwatanze byemeza ko ibyaha aregwa bimuhama,ibyo nibyo byatumye uyu mugabo wari wakatiwe gufungwa ubuzima bwe bwose, ahanahurwaho ibyaha
Naho Colonel Alunda Kapopo nawe wari ukurikiranyweho ibyaha byibasiye inyokomuntu birimo ubwicanyi, gufata ku ngufu, iyicarubozo, gusahura ndetse n’ibindi byaha by’intambara byibasiye abaturage b’abasivili,we yahamwe n’ibyaha aregwa ahanishwa igifungo cy’imyaka 20.
Uyu mu Col yakatiwe ku rwego rwa mbere n’urukiko rw’abasirikare rwa Bukavu, igifungo cy’imyaka 20, ibyaha byatumye akatirwa iyo myaka yose ni ubwicanyi, gufata ku ngufu, uburetwa bw’imibonano mpuzabitsina, iyicarubozo n’ibindi.
Uru rubanza rwarangiye ku nkunga ya MONUSCO ibinyujije mu biro by’umuryango w’abibumbye, n’uburenganzira bwa muntu muri DRC
Uwineza Adeline
