Jenerale Muhoozi Kayinarugaba Umuhungu wa Perezida wa Uganda Yoweri Kagatu Museveni akaba n’umujyanama we mu bikorwa byihariye bya gisirikare ategerejwe I Kigali mu gusoreza icyumweru cyitiriwe isabukuru ye.
Umunyamakuru wa NBS TV, Canary Mugume yatangaje ko Jenerale Kainerugaba araza mu Rwanda kuri uyu wa 22 Mata 2023 muri gahunda y’ibirori by’isabukuru ye yateguriwe na Perezida Paul Kagame.
Muri uru ruzinduko Jenerale, Muhoozi ngo araherekezwa n’abaminisitiri bamwe mu bagize Inteko Ishinga Amategeko ya Uganda ndetse n’abashoramari.
Jenerale Kainerugaba yizihirije isabukuru y’umwaka ushize mu biro bya Perezida Museveni, Icyo gihe Perezida w’u Rwanda Kagame yari ahari nk’umushyitsi mukuru.
Uyu musirikare ugiye kuzuza imyaka 49 y’amavuko araza mu Rwanda nyuma yo guhuriza hamwe Abanyarwanda n’abanya Uganda kuwa 19 Mata 2023 mu gitaramo cyo kwishimira ifungurwa ry’imipaka y’ibihugu byombi ryabaye mu 2022.
Mukarutesi jessica
