Umukuru w’Igihugu cy’u Rwanda, Paul Kagame aragirira uruzinduko rw’iminsi ibiri mu Tanzania, kuva kuri uyu wa Kane.
Byatangajwe na Minisiteri y’Ububanyi n’Amahanga n’ubutwererane ya Tanzania, mu itangazo yashyize hanze kuri uyu wa Kane.
Iri tangazo rivuga ko Perezida Paul Kagame agera muri Tanzania kuri uyu wa Kane tariki 27 Mata 2023, ubwo aza kwakirwa ku Kibuga cy’Indege cya Julius Nyerere, na Minisitiri Ushinzwe Ibikorwa by’Umuryango wa Afurika y’Iburasirazuba.
Biteganyijwe ko kandi Perezida Kagame yakirwa mu biro na mugenzi we Perezida wa Tanzania, Madamu Samia Suluhu Hassan, bakagirana ibiganiro byihariye.
Nyuma y’ibyo biganiro, Abakuru b’Ibihugu byombi baragirana ikiganiro n’itangazamakuru kiza kugaruka ku byo baza kuba baganiriye mu muhezo.
RWANDATRIBUNE.COM
