Uwari Umugaba Mukuru w’ingabo muri Guinée yahinduriwe umwanya

Muri Gunée uwari Umugaba mukuru w’ingabo Gen Koulibaly yahinduriwe umwanya agirwa Minisitiri ushinzwe iterambere. kuri uwonya yahise asimburwa na Gen Ibrahim Sory Bangoura

Ibi byakozwe na Col Doumbouya ari nawe Perezida w’inzibacyuho wa Guinée  muri iki gihe bataratora Perezida uzayobora iki gihugu.

Mu ijoro ryakeye niho hasohotse itangazo rivana Gen Koulibaly ku mirimo ye ndetse rinasomerwa  kuri Televiziyo y’icyo gihugu

Uyu musirikare yahise asimburwa na Général Ibrahima Sory Bangoura wari umaze umunsi umwe avanwe na Perezida Doumbouya ku ipeti rya Colonel akamugira Général de Brigade.

Col Doumbouya yahinduye Umugaba Mukuru w’Ingabo, mu gihe amaze iminsi akora impinduka zitandukanye mu buyobozi bukuru bw’Ingabo za Guinée.

Ni impinduka zasize yirukanye abarimo uwari ukuriye ubutasi bwa gisirikare, Lt Col Ismael cyo kimwe n’uwari umuyobozi w’ikigo gishinzwe gutangirwamo amasomo yo kubungabunga amahoro

Gén Koulibaly nyuma yo kuvanwa ku nshingano z’Umugaba Mukuru w’Ingabo yahise agirwa Minisitiri ushinzwe iterambere ry’imijyi, imiturire ndetse n’iterambere ry’ibice by’igihugu.

Uwineza Adeline