Uwahoze ari umutoza wa APR FC, Mohammed Adil Erradi wari watanze ikirego muri FIFA, cyatewe utwatsi aho yashinjaga iyi kipe kumwirukana mu buryo budakurikije amategeko.
Ibi bibaye nyuma y’uko APR yamuhagaritse mu gihe cy’ukwezi kumwe kubera imyitwarire mibi, uyu mutoza birangira yanze kugaruka mu kazi.
Uyu mutoza w’umunya Morocc akaba yifuzaga ko APR FC imwishyura miliyoni 800 Frw ku bwo kumwirukana binyuranyije namategeko.
Umwanzuro wafashwe n’Akanama gashinzwe Uburenganzira bw’Abakinnyi n’Abatoza ku wa 9 Gicurasi 2023, ugaragaza ko ikirego uriya mutoza na APR FC baburanagamo cyamaze guteshwa agaciro na FIFA.
Umwanzuro cyakora uvuga ko uruhande rwifuza kubona ibijyanye n’ibyangendeweho rusabwa kubisaba ndetse rukishyura bitarenze mu minsi 10.
Ni mugihe uyu mutoza wari warageze muri APR FC muri 2019 yatandukanye na yo amaze kuyihesha ibikombe bitatu bya shampiyona.
Jessica Mukarutesi
RWANDATRIBUNE.COM
