Mu gihe habura iminsi mike ngo shampiyona y’u Rwanda mu mupira w’amaguru itangire, ishyirahamwe ry’umupira w’amaguru (FERWAFA) ryashyize ahagaragara ingengabihe igaragaza iminsi n’amasaha ndetse n’ibibuga imikino izajya iberaho.
Ku ikubitiro ku munsi wa mbere wa Shampiyona taliki ya 04 Ukwakira 2019, umukino uzababimburira iyindi ni uzahuza APR FC na AS Kigali; akaba ari wo mukino rukumbi uzaba kuri iyo tariki.
Bukeye bwaho taliki ya 05 Ukwakira 2019 ikipe ya Gasogi United ivuye mu cyiciro cya 2 izatangira icakirana na Rayon Sports ifite iki gikombe umwaka ushize kuri Stade de Kigali, naho ETINCELLE izakirira Kiyovu Sport mu mujyi wa Gisenyi kuri Stade Umuganda.
Kuri iyo tariki Mukura izakira Espoir kuri Stade mpuzamahanga ya Huye mu gihe Bugesera izakira Heroes ivuye mu cyiciro cya 2.
Taliki ya 06 Ukuwakira 2019 AS Muhanga izakira Musanze naho Police FC icakirane na Etincelle.
Iyi ngengabihe igaragaza ko hari imikino bitaramenyekana neza aho izabera kubera impamvu z’uko ibibuga igomba kuberaho bitaremezwa na FERWAFA muri gahunda yo kugenzura ubuziranenge.
Shampiyona y’u Rwanda icyiciro cya mbere ‘Rwanda Premier League’ izakinwa n’amakipe 16 mu gihe cy’amezi 3 gusa.
Imikino y’icyiciro kibanza uko ari 120 izakinirwa ku bibuga 9 byamaze kwemezwa na FERWAFA muri gahunda nshya yo gushyira mu bikorwa amabwiriza ya FIFA na CAF lincencing igamije kongera ubuziranenge bw’ibibuga bikirwaho shampiyona y’u Rwanda.
Uko ingengabihe y’imikino ipanzwe
Hakorimana Christian
