Ikipe ya AS Kigali isezerewe na Proline FC yo mu gihugu cya Uganda itsinzwe ibitego 2-1 mu mukino wo kwishyura (byose hamwe bikaba 3-2) ku kibuga Star Times stadium I Lugogo mu mugi wa Kampala.
Ibitego bya Proline byinjiye mu izamu rya AS Kigali hakiri kare bitsinzwe na Bogere watsinzemo ibi bitego byombi, icya mbere yagitsinze ku munota wa 11 ndetse nyuma y’aho gato yinjiza ikindi ku munota wa 21 w’umukino bityo amakipe yombi asoza igice cya mbere ari ibitego 2 bya Proline ku busa bwa AS Kigali.
Mu gice cya kabili ikipe ya AS Kigali yaje kwishyuramo igitego kimwe rukumbi cy’impozamarira kuri AS Kigali cyatsinzwe na Ssentongo Faruku Saify ku munota wa 82 w’umukino.
Ikipe ya Proline FC ibaye imwe mu makipe 16 azahura n’andi 16 azava muri CAF Champions league bagakina imikino ya Playoff hagamijwe kubona amakipe 16 azashyirwa mu matsinda 4 bahatanira kwegukana iki gikombe.
Ikipe ya AS Kigali yatwaye igikombe cy’amahoro igomba guhita igaruka i Kigali kwitegura umukino wa Super Cup izacakiranamo na Rayon Sport yatwaye igikombe cya shampiyona kuri uyu wa kabili kuri Stade Amahoro I Remera.
Photo: Proline FC
Caption: 11 babanje n’abasimbura ku ruhande rwa Proline
Photo: AS KIGALI XI
Caption: 11 Babanje n’abasimbura ku ruhande rwa AS Kigali
HAKORIMNA Christian
