Jonnathan McKinstry watoje ikipe y’igihugu y’u Rwanda ‘Amavubi’ ari ku rutonde rw’abatoza 3 bahatanira gufata inshingano zo gutoza ikipe y’igihugu y’umupira w’amaguru ya Uganda ‘Uganda Cranes’.
Ni nyuma y’igihe cy’amezi 2 iyo kipe iyobowe by’agateganyo n’umutoza wungirije Abdallah Mubiru nyuma yo gutandukana n’umufaransa Sebastien Disabre utaragize umusaruro mwiza muri AFCON iheruka kubera mu gihugu cya Misiri mu kwezi kwa 7.
Umunya-Irland Jonnathan McKnstry, n’ababiligi Hugo Bruce na Luc Elmael nibo bari ku rutonde rwanyuma rw’abatoza batatu bemejwe n’ishyirahamwe ry’umupira w’amaguru muri Uganda (FUFA) bagomba gutoranywamo ugomba gutoza ikipe y’iki gihugu.
Mu bigaragara ni uko amahirwe menshi ari hagati ya McKnsrty na Hugo Bruce watoje ikipe y’igihugu cya Cameroon igatwara igikombe cya AFCON 2017, kuko umubiligi na Luc Elmael wanyuze mu Rwanda atoza Rayon Sport nawe uri kuri urwo rutonde aherutse kugirwa umutoza wa AFC Leopard yo muri Kenya.
Jonny McKnstry w’imyaka 34 y’amavuko, yatoje Sierra Leone mu mwaka wa 2012-2014 mbere gato y’uko agirwa umutoza w’amavubi mu mwaka wa 2015-2016 aho yavuye yerekeza mu ikipe ya KF Kauno Zilgiris yo mu gihugu cya Lituania, kuri ubu akaba ari umutoza w’ikipe ya Saif SC ikinamo umunyarwanda Emery Bayisenge mu cyiciro cya mbere hariya mu gihugu cya Bangladesh.
Hakorimana Christian
