Aba baturage bashaka ko Turkiya ifatirwa ibihano Ingabo za Turkiya zateye mu majyaruguru bwa Siriya Amerika ivuga ko itigeze yemerera Turukiya gutera Syria
Ibitero bya Turkiya byatangiye mu cyumweru gishize bifite icyerekezo cyo gukura abarwanyi b’aba Kurde ku mupaka Turkiya ihana na Syria.
BBC ikomeza ivuga ko Hari ubwoba ku Umutwe w’iterabwoba wa Etat Islamique igendera ku mahame akarishye y’idini rya Isilamu ushobora gusubira kubyuka kubera iyo ntambara.
Ejo kucyumweru , abategetsi b’aba kurde bamenyesheje ko hari abantu bo mu miryango y’abahoze ari abarwanyi batorotse bava mu nkambi imwe yo muri ako karere mu gihe intambara zarimo zibica bigacika.
Ubutegetsi bw’aba kurde busanzwe buyoboye akarere ko mu majyaruguru ya Syria buvuga ko kimwe mu byo bumvikanye ari uko igisirikare c’icyo gihugu kizohereza ingabo ku rubibe gihana na Turkiya.
Izo ngabo zizifashihwa gufasha abarwanyi b’aba Kurde bahuriye mu ishyaka Syrian Democratic Forces (SDF) mu guhangana “n’ibyo bitero.
Zizabafasha kandi kubohoza uturere igisirikare cya Turkiya n’abarwanyi babo cyigaruriye”, nk’uko iri shyaka ryabimenyesheje mw’itangazo ryasohoye.
Iryo tangazo ryongera ho y’uko ayo masezerano ari “inzira yo kubohoza n’utundi duce dusigaye mu maboko y’igisirikare cya Turkiya”.
Ntibiramenyekana neza ibyo leta ya Syria yaba yiyemeje muri ayo masezerano.
Ibitero by’igisirikare cya Turkiya ku ba Kurde bo muri Syria byatangiye inyuma y’aho Perezida Trump wa Amerika yafashe icyemezo cyatangaje benshi cyo gukura abasirikare ba Amerika mu majyaruguru ya Syria.
Umunyamabanga wa leta mu Minisiteri y’ingabo muri Amerika Mark Esper yamenyesheje ko icyo gihugu cyakuye abasirikare bacyo 1000 mu majyaruguru ya Syria nyuma y’aho babonye amakuru ko Turkiya yariho itegura kwinjira hagati muri Syria.Mu gihe avuga ko ibintu “bitari kworoha” murako karere, Bwana Esper yavuze ko ishyaka SDF ryariho rishaka “kugirana amasezerano” na leta ya Syria hamwe n’Uburusiya kugira ngo bashobore guhangana n’ibitero bya Turkiya.
Akomeza avuga ko ibyo byari butuma abasirikare ba Amerika bisanga bari mu menyo y’ingwe, “hagati y’ibisirikare bibiri bikomeye bidahuza nayo”.
Hashize amasaha makeya Bwana Esper avuze ibyo, Syria ivuga ko ishyize ingabo mu majayaruguru “kugira ihangane n’ibyogera ryakozwe na Turkiya”. Ntibiramenyekana neza ibice izo ngabo zashyuzwemo.
Intambara zafatiye uturere turimwo amakambi afungiwemwo abahoze ari abarwanyi ba Etat Islamik
Hari Ubwoba bw’uko ingabo z’aba kurde zishobora kunanirwa gucunga abafungwa ba Etat Islamique nkuko byatangajwe n’abayoboye inkambi ya Ain Issa.
Aba bamenyesheje ko hafi abantu bagera kuri 800 bo mu miryango y’abarwanyi b’abanyamahanga ba Etat Islamique batorotse.
Ishirahamwe ryishyunzwe uburenganzira bwa muntu muri Syria, Syrian Observatory for Human Rights (SOHR), rivuga ko abantu bagera ku 100 batorotse iyo kambi, ariko ntawuramenya iyo bagiye.
Iyo kambi icumbikiye abantu bagera ibihumbi 12 bataye ingo zabo, mu minsi ishize ikaba yabarigarwamo abagore n’abana babanyamahanga bagera 1000 bari bafitaniye isano n’abarwanyi bagendera ku kumatwara akaze yidini rya Isilamu.
Ishyaka SDF rivuga ko muri kino gihe bafite infungwa zirenga ibihumbi 12 zikekwa ko ari abanywanyi ba Etat Islamique zifungiwe mu magereza arindwi , kandi ko muri bagera 4000 ari abanyamahanga.
Umutwe wa Etat Islamique wiyitiriye ibitero by’ubwiyahuzi biherutse, ni mu gihe ku munsi wa gatandatu naho batangaje ko bagiye gutangira urundi rugamba.
Ubwanditsi
