BURUNDI:Umutwe wa RED TABARA watangaje ko utangije intambara byeruye k’uBurundi bakaba bashaka gushyiraho Leta igendera ku mategeko.
Umutwe w’inyeshyamba za RED Tabara watangaje ko ari wo wateye mu ntara ya Bubanza mu Burundi ukarwana n’ingabo za leta, minisiteri y’umutekano mu Burundi ivuga ko yatatanyije abateye ikanicamo 14.
Ejo kuva mu gitondo inyeshyamba bivugwa ko zavuye mu ntara ya Kivu y’Epfo muri DR Congo zateye mu ntara ya Bubanza mu burengerazuba barwana n’ingabo z’igihugu abaturage bamwe barahunga.
Izi nyeshyamba zatangaje ko zitangije ibikorwa byo kurwanira ko hajyaho leta igendera ku mategeko, mu gihe leta ivuga ko “yatatanyije abagizi ba nabi”.
Urusaku rw’amasasu rwatangiye kumvikana mu gitondo uyu munsi kuwa kabiri, abaturage bamwe batangaje ko bahise bahunga imirwano hagati y’ingabo n’aba bateye.
Fabien Banciryanino umushingamateka mu Burundi uvuka mu ntara ya Bubanza, yavuganye na BBC saa kumi n’igice kw’isaha ya Bubanza ari ku Musenyi muri iyi Ntara, ari gukurikirana ibiri kuba.
Yabwiye BBC ko amakuru yahawe n’abaturage bahungaga imirwano ari uko “aba-rebelles baje bava muri Congo bakazamuka ahitwa mu Gatura bashaka kwinjira mu Kibira bagatangirwa n’abasirikare”.
Igice cy’ishyamba ry’Ikibira ku ruhande rw’u Burundi izo nyeshyamba zashakaga kwinjiramo abaturage bavuga ko zifuza kuhashyira ibirindiro zishobora kujya zivamo zitera mu gihugu.
Bwana Banciryanino agira ati: “Abantu bagize ikibazo mu ntara ya Bubanza ni abanyagihugu bo ku mitumba ibiri yo muri Musigati abo muri Dondi no muri Kayange, niko ababayo bambwiye.
“Abo bari bahunze bajya kuri centre ya Musigati, ariko ubu turi kuvugana bari gusubira aho baje bava bakavuga ko batazi neza ko abasirikare babareka ngo binjire kuko n’ubu aya masaha tuvugana haracyavuga inkoho nk’uko abari i Musigati bari kumbwira”.
Umunyamakuru wa Rwandatribune.com wigereye aho amasasu yavugiraga yadutangarije ko iyi mirwano yahoshoroye mu masaha ya satanu ndetse abashya kwibonera amwe mu mafoto y’inyeshyamba zaguye mu iyo mirwano gusa kuruhande rwa Guverinoma y’uBurundi birinze kugira imibare yabo batakaje batangaza.gusa imirambo yabonetse ntiwamenya niba ari iyuruhe ruhande kuko abaturage bibwiriye Umunyamakuru wacu ko ivanze iyi nyeshyamba na Geverinoma.
Mwizerwa Ally
