Musanze:Kutamenya igishushanyombonera cy’umujyi bituma bubaka bagasenyerwa n’ubuyobozi

Bamwe mubaturage  batuye mu karere ka Musanze  bavuga ko babangamiwe
no kutamenya igishushanyo mbonera cy’umugi  batuyemo  kigendanye
n’icyerekezo.ibi ngo   bibagiraho ingaruka  zibateza igihombo gikomeye
nko gusenyerwa inzu, ibintu bafata nko guhabwa servise mbi.

Mwizere Emmanuel utuye mu murenge wa Cyuve  wo mu karere ka Musanze
akora umwuga w’ubucuruzi ,aravuga ko atazi igishushanyo mbonera
cy’umugi wa Musanze.

Agira ati “ Njyewe njya nganira na  bamwe mu baturage  na bo
bakambwira ko batakizi ko  hari igihe twubaka amazu  mu bushobozi
bwacu cyangwa rimwe na rimwe tukaka inguzanyo muri za banki, tukabona
ubuyobozi butwituye hejuru buje kudusenyera  butubwira ngo
ntitwakurikije igishushanyo mbonera,buti aha nta nyubako ihateganyijwe
,ahubwo hazaca umuhanda , bagahita bazisenya tukabihomberamo, byaba
byiza  bagiye  babitumenyesha mbere.aho kugira ngo twubake mu buryo
butemwe.”

Bizimana Emmanuel umuturage wo mu karere ka Musanze aremeza ko
igishushanyo mbonera nawe atakizi ko ingaruka zibageraho zidindiza
iterambere ryabo.

Yagize ati “ Turasaba abayobozi kurushaho gushyira imbaraga mu
kudusobanurira igishushanyo mbonera tukamenya ibigiye gukorwa n’ibiki
ibidakwiye gukorwa n’ibiki tukamenya amakuru mbere yuko tugwa mu
gihombo.”

Umunyamabanga nshingwabikorwa w’akarere ka Musanze  BAGIRIHYA Peter
Clever   aravuga ko hari abaturage bamwe na bamwe batazi koko
igishushanyo mbonera .
Aragi ati “Tugiye  kurushaho gushyiraho imbaraga mu kurushaho
kubasobanurira igishushanyo mbonera tubinyujije mu nteko z’abaturage.”Umugi wa musanze ni umwe mu migi  yunganira umugi wa Kigali,  ukaba
uganwa na bamukerarugendo  benshi baba baje kureba ibikorwa nyaburanga
bihari. Akarere  Musanze kakaba gatuwe n’abaturage   bagera kubihumbi
438.000 kakaba gafite  imirenge 15,utugali 68 n’imidugudu 432.

Mujawamariya Josephine