Abakozi bane ba Minisiteri y’ubutegetsi bw’igihugu bakomerekeye bikomeye mu mpanuka y’imodoka yabereye mu karere ka Karongi mu murenge wa Mubuga mu Kagari ka Ryaruhanga mu mudugudu wa Kizibaziba.
Iyi mpanuka ikaba yabaye kuri uyu wa gatanu tariki ya 21 Gicurasi 2021.
Abo bakaba bari mu modoka yo mubwoko bwa V8 RAD108G yari muziherekeje Minisiteri Gatabazi JMV muruzinduko arimo mu Ntara y’iburengerazuba.
Mubakomeretse harimo Kabayija Fredy w’imyaka 38 waruyitwaye wakomeretse bikomeye na DG Semwaga Angel w’imyaka 52 nawe wakomeretse bikomeye na Karangwa Cassien w’imyaka 42 ndetse n’uwitwa Kamanzi.
Umunyamabanga nshingwabikorwa w’umurenge wa Mubuga, Ntakirutimana Gaspard avuga ko iyo mokoda yavaga mu karere ka Karongi yerekeza mu karere ka Nyamasheke.
Ati ” yageze aho ananirwa gukata ikoni rihari imodoka irenga umuhanda igwa muri metero 20 nderse n’imodoka irangirika”.
Avuga ko kandi byanatewe no kutaringaniza umuvuduko maze irenga umuhanda igomba mu urutoki, who yagiye igonga intsina.
Avuga ko abakomertse boherejwe kuvurirwa ku bitaro bya Kibuye.
Gusa amakuru rwandatribune.com imaze kubona aravuga ko hategerejwe indege ibatwara ku bitaro byitiriwe Umwami Faisal (KMH).
