Umutwe wa M23 werekanye abarwanyi babiri ba FDLR wafatiye ku rugamba uyu mutwe uhanganyemo na FARDC ifatanyije n’indi mitwe irimo n’uyu ugizwe na bamwe mu basize bakoze Jenoside.
Aba barwanyi babiri bafashwe na M23 kuri uyu wa Kane tariki 02 Gashyantare 2023, ubwo imirwano ihanganirije uyu mutwe na FARDC yongeraga kuramuka yubuye.
Aba barwanyi bavuga ikinyarwanda, ni ab’umutwe wa FDLR ufasha FARDC muri iyi mirwano.
Ubwo bari bafashwe bicajwe hasi n’abarwanyi ba M23, bahatwaga ibibazo n’umwe mu barwanyi ba M23 ubwo harimo hanumvikana ibisasu biremereye.
Uwababazaga, yababajije amazina yabo, umwe avuga ko yitwa Bayisenge, undi akaba yitwa Ndayambaje.
Yababajije ibyo bafatanywe, umwe avuga ko yari afite grenade imwe akaba yakoraga akazi ko gutwaza abandi amasasu.
M23 kandi yaboneyeho kwerekana intwaro yafashe nyuma yo kwamurura FARDC n’abarwanyi b’imitwe bakorana.
RWANDATRIBUNE.COM
