Ibihugu birimo Mali, Burkina Faso na Niger, byikuye mu muryango w’Afurika yo mu Burengerazuba CEDEAO, nyuma y’uko Igisirikare gihiritse k’ubutegetsi Abategetsi babyo, bivuga ko ntacyo uyu muryango ubimariye.
Ibi bibaye mu gihe ibi bihugu bishinja uyu muryango ko ntacyo ubamariye ndetse ko ntanicyo wakoze mu kurwanya iterabwoba riba mu bihugu byabo. Ibi bihugu byabayemo coup d’etata mu myaka ikurikirana kuko Mali yakoze coup d’etat muri 2020, Burukina Faso ikorwa muri 2022 naho iya Niger ikorwa muri Nyakanga 2023.
Ibi biguhu byose uko ari bitatu bihuriza ku kuba uyu muryango ukorera mu kwaha kw’ibihugu bikize aho kwita ku banyamuryango bawo.
Ni mwanzuro watangajwe Col. Abdoulaye Maïga umuvugizi wa leta ya Mali kuri uyu wa 28 Mutarama 2024, kandi bavuga ko bihita bishirwa mu ngiro muri ako kanya.
Uyu muryango kandi nyuma y’uko ibi bihugu bikorewemo Coup d’etat wahise ubifatira ibihano.
CEDEAO ni umuryango ugizwe n’ibihugu 15 aribyo, Bénin,Burkina Faso, Cap –vert, Côte d’Ivoire, Gambie, Ghana, Guinée Conakry, Guinée Bissau,Libéria , Mali, Niger, Nigeria, Sénégal, Sierra Leone na Togo.
Adeline Uwineza
Rwandatribune.Com
