Imikino y’umupira w’intoki imaze iminsi iri kubera mu gihugu cya Tanzaniya mu gikombe cyitiriwe Mwarimu Julius Nyerere ( Nyerere cup) amakipe 2 muri 4 yari yagiye ahagarariye u Rwanda yegukanye ibikombe.
Iyi mikino yitiriwe ,Mwarimu Julius Kambarage Nyerere wayoboye iki gihugu, ndetse akaba afatwa nk’intwari y’ikirenga y’iki gihugu.
Amakipe yabashije kwegukana ibi bikombe ni APR Volleyball Club n’iy’abari ya Rwanda Revenue Authority Volleyball Club, akaba yari amwe muri ane yaturutse mu Rwanda yitabiriye iri rushanwa, aho yari yajyanye na APR WVC na Police VC.
Ku mukino wa nyuma, ikipe ya APR VC yacakiranye n’ikipe ya Rukinzo VC yo mu Burundi, iyi yo mu Rwanda itsinda iyo mu baturanyi amaseti atatu kuri imwe.
Naho RRA WVC na yo yo mu Rwanda, yo yegukanye igikompe nyuma yo gutsinda mugenzi wayo APR WVC amaseti atatu ku busa.
Nyuma yo kwegukana ibi bikombe, aya makipe yari ahagarariye u Rwanda, kuri iki Cyumweru yanagarutse i Kigali, atahana ibyishimo nyuma yo kwitwara neza muri iri rushanwa yari yitabiriye.
Abakinnyi bakigera I Kigali bakiranywe ibyishimop nbyinshi nyuma yo kuhacana umucyo, imbere y’andi makipe.
Adeline Uwineza
Rwanda Tribune.com
