Abategetsi ba Afrika bavuga ko barimo gukora uko bashoboye kugira ngo bashakire uyu mugabane inkiko bitarenze umwaka utaha 2022 bakanasaba ubufatanye mu gushakira hamwe ibisubizo bijyanye no guhasha icyorezo Covid-19.
Kugeza ubu umugabane wa Afrika ubarirwamo abantu bageze kuri miliyoni 3 n’ibihumbi Magana Ane(3,400,000) bamaze kwandura covid-19 kuva cyagera kuri uyu mugabane mu kwezi kwa Gashyantare 2020.
Kuva icyo gihe kugeza ubu, umuyobozi w’ikigo cya Afrika gishinzwe gukurikirana indwara, CDC, Dr. John Nkengasong, avuga ko ku mugabane wose hamaze gupimwa abantu miliyoni 30. Afrika y’Epfo iza imbere mu bihugu 10 bimaze gupimwamo abantu benshi.
Ibihugu bya Etiyopiya, Nijeriya, Kenya, Zambiya na Uganda nabyo biri mu bimaze gupima abaturage benshi nkuko CDC ibitangaza.
Imibare y’ikigo CDC ivuga ko Amaraboratware agera kuri 500 ariyo arimo kwifashishwa ku mugabane wa Afurika wose mu gupima Covid-19.
Kugeza ubu muri Afurika ibihugu bine byonyine nibyo bimaze gutangira gukingira abaturage babyo nkuko bitangazwa na Nkengasong uyobora CDC. Ibihugu bya Afurika byatangiye gupima abaturage babyo ni:Maroke, Misiri, ibirwa bya Seychelles na Guinea.
