Umutwe wa M23 wateguye irushanwa ry’umupira w’Amaguru uzahuza amakipe y’ibice bigenzurwa n’uyu mutwe, ryitiriwe amahoro ndetse n’Umugaba Mukuru w’uyu mutwe, General Sultani Makenga.
Ni irushanwa rigamije gukomeza gusigasira no kubungabunga amahoro, dore ko uyu mutwe wa M23 wakunze kuvuga ko ntakindi urwanira uretse kuba muri Congo haboneka amahoro kuri bose.
Iri rushanwa ryiswe ‘Tournois de la paix mwanda Mboka General Major Sultani Makenga, rizahuza amakipe ane yo mu bice bya Rubare, Kiwanja, Rutshuru na Bunyangula.
Imikino y’iri rushangwa yatangiye kuri uyu wa Kane tariki 23 Werurwe 2023 aho ikipe ya Rubare yahuye n’iya Rutshuru bagakinira kuri sitade ya Rugabo II.
Naho undi mukino uteganyijwe uyu munsi ku wa Gatanu tariki 24 Werurwe 2023, uhuza ikipe y’agace ka Kiwanja ndetse n’ikipe y’agace ka Bunyangula, na wo uza kubera kuri sedate ya Rugabo II.
Biteganijwe ko umukino wa nyuma uzaba ku Cyumweru tariki 26 Werurwe 2023 uzahuza amakipe azaba yatsinze hagati muri aya.
Umukino wa mbere wabaye kuri uyu wa Kane, wabaye harindiwe umutekano ukomeye kuko abarwanyi ba M23 bari bahari bacungiye umutekano abakinnyi ndetse n’abaturage bari baje kwihera ijisho.
RWANDATRIBUNE.COM
