Abarwanyi bo mu mutwe wa Al-Shabab batangaje ko bafunguye igiko gipima agakoko ka Coronavirusi gatera indwara ya Covid19 kigo mu mujyi wa Jilib mu majyepfo ya Somalia, umujyi uri mu gace uwo mutwe ugenzura.
Radio Andalus y’uyu mutwe yatangaje ko wanashyizeho umurongo wa telefone utishyurwa ukora amasaha 24 buri munsi kugira ngo umuturage uwo ari we wese wo muri uwo mujyi ugaragaje ibimenyetso bya coronavirus ahamagare ahabwa ubufasha bwihuse.
Ibijyanye n’imikorere y’iki kigo ndetse n’ibikoresho bizifashihswa ntibiratangazwa.
Kugeza ubu nta mubare w’abamaze kwandura Coronavirus muri ako gace uratangazwa.
Iki cyemezo cyo kuvura no kurinda ikwirakwira rya Coronavirus mu gace Al Shaba igenzura kije kivuguruza ibyo Al-Shabab iherutse gutangaza ivuga ko icyo ycorezo ari baringa kandi ko uruvange rw’imiti y’ibyatsi ruyivura.
Umukuru mu by’idini wa al-Shabab, Mohamed ala-Mohamed, yashishikarije abantu kwirinda Covid-19 banywa imvange y’imiti rwatsi avuga ko ivura Covid-19.
Abandi bayobozi ba Al-Shabab nka Fuad Shangole batangaje mu kwezi kwa kane ko Coronavirusi ari igihano Imana yamanuriye abarwanya idini ya Islam mu bihugu bitayobowe kiislam.
Kugeza ubu nta muti nta n’urukingo byari byaboneka kuri Covid-19 nk’uko Ishami ry’umuryango w’abibumbye ryita ku buzima (OMS/WHO) ribitangaza.
Minisiteri y’ubuzima muri Somalia itanga amakuru mashya buri munsi ajyanye n’imibare y’uko coronavirus ihagaze mu gihugu, ariko ntibizwi niba iyo mibare irimo n’abarwayi bo mu turere al-Shabab igenzura.
UMUKOBWA Aisha
