Mu Mujyi wa Kigali habaye Umuganda usanzwe uba mu mpera z’ukwezi wabaye kuri uyu wa 04 Kamena 2022 aho mu Murenge wa Nyamirambo habaye igikorwa cyo gusana inzu z’abarokotse Jenoside Yakorewe Abatutsi.
Uyu muganda wabereye mu Mudugudu wa Kiberinka mu Kagari ka Rugarama mu Murenge wa Nyamirambo mu Karere ka Nyarugenge.
Ku bufatanye bw’abaturage, inzego z’umutekano zirimo Ingabo na Polisi ndetse n’abashyitsi baturutse muri Maroc basannye inzu z’abarokotse Jenoside Yakorewe Abatutsi zari zikeneye gusanwa.
Uyu muganda kandi wanitabiriwe n’Umuyobozi Wungirije w’Umujyi wa Kigali ushinzwe Imiturire n’Ibikorwaremezo, Merard Mpabwanamaguru ndetse na Ambasaderi wa Maroc mu Rwanda.
Muri uyu muganda kandi hari Umuyobozi Nshingwabikorwa w’Akarere, Emmy Ngabonziza na we wifatanyije n’abaturage mu bikorwa byo gusana izi nzu z’abarokotse Jenoside Yakorewe Abatutsi.
RWANDATRIBUNE.COM
