Abasirikare ba FARDC ndetse n’abarwanyi b’imitwe y’inyeshyamba bari kubafasha mu rugamba, bagaragaye biteguye kurwana na M23, ariko uyu mutwe uhita ubaha ubutumwa ko ayo mashagaga bagaragaje atababuza kubereka ko babahiga ku rugamba.
Ni amafoto yagiye hanze aho aba basirikare n’inyeshyamba bavuga ko biteguye kurinda umujyi wa Goma ngo ntuzigereye ukandagiramo M23.
Uwitwa General Sultan Makenga kuri Twitter yagize ati “Inyeshyamba Jules Mulumba ya CMC, umutwe w’inyeshyamba akaba n’umukuru w’ubufatanye bwa FARDC-FDLR, Mai-Mai, CODECO, NYATURA-ACPLS-PARRECO… biteguye kurwana na M23.”
Yakomeje agira ati “Ubanza bataramenya neza Intare za Saeambwe (umutwe wa M23).”
General Sultan Makenga kandi yakomeje avuga ko iyi mitwe ngo ivuga ko igamije kurinda Umujyi wa Goma bakabuza umutwe wa M23 gukomeza imbere.
Ati “Bazabikoresha izihe mbaraga batakoresheje i Kitshanga? Inama nabagira ni uko ubu bufatanye bukwiye guhagarara bagashyira intwaro hasi.”
RWANDATRIBUNE.COM
