Uko ikorana buhanga rigenda ritera imbere, uko bwije n’uko bukeye bituma abamamaza,abahiganwa,ndetse n’abakora imirimo itandukanye biborohereza binyuze mu gukoresha ikorana buhanga.
Ni muri urwo rwego supramodel Irushanwa rigamije guteza imbere impano z’abanyamideri ryatangiye muri irijoro ryo kuri uyu wa gatatu kuwa 13 Nzeri 2023. rikaba ari irushanwa ririmo kubera k’urubuga nkoranya mbaga, rwa Noneho Event.
Muri iri rushanwa hiyandikishije abarenga 200 haza gutoranwamo, 111 bari bujuje ibisabwa. Uyu akaba ari umubare wikubye gatatu ugereranyije n’umwaka ushize 2022,ubwo rino rushanwa ryatangiraga bikaba byerekana icyizere abitabira rino rushanwa bagenda barigirira.
Amatora yatangiye kuri uyu wa gatatu 13 Nzeri 2023 akazaba azarangira kuwa 6 ukwakira2023. Ibi bibaye mu gihe kandi ibirori byo gutanga ibihembo kubatsinze neza uzaba kuwa 7 Ukwakira2023,muri century park Hotel and Residents yo mu mujyi wa Kigali ahitwa Inyarutarama.
Mu cyiciro cyo gutora 5 bambere bazabona itike ibageza kuri finari, uzatsindira umwanya wa mbere azabona igihembo cya( Peaple choice Award).
Peaple Choice Award ni igihembo nyamukuru gitangwa muri ayo marushanwa. Ni igihembo gihwanye na miliyoni 1FRW y’u Rwanda, ndetse no guhagararira u Rwanda mu marushanwa akomeye mpuzamahanga.
Muri uyu mwaka abanyamideri 2 bambere bazahabwa igihembo cyo guhagararira u Rwanda mu marushanwa akomeye muri Afurika no ku isi ndetse hanahembwe umunyamideri wa mbere uberwa no kwamamaza kurusha abandi.
Umuyobozi wa Supra family Nsengiyuma Alphonse yavuze ko abanyamideri bahatana muri iri rushanwa bagomba gushira imbaraga mubyo bakora, kugirango bazabashe guhatana ku rwego mpuza mahanga.
Yagize ati”Abanyamideri bahatanye turabasaba gushyira imbaraga ndetse no gukunda ibyo bakora, k’uburyo u Rwanda mu minsi izaza rushobora no kuba u Rwambere mu ba murika imideri ku isi.
Nyuma y’amasaha make amarushanwa atangiye Umumararungu Kelly Divine ufite nimero 50 niwe uyoboye abandi bose muri rino rushanwa, aho afite amajwi agera kuri 754,Kaze Mignone Shania afite nimero 41 akaba afite amajwi 523,Mukeshimana Jolie afite nimero ya 59 akaba ariwe uri kumwanya wa gatatu, mu gihe Uwikunda Cynthia ariwe uri kumwanya wa kane mu marushanwa n’amajwi 336,ni mu gihe kandi umunyamideri witwa Ingabire M.Joella aza kumwanya wa gatanu n’amjwi 201.
Umumararungu Kekky Divine
Kaze Mignone Shania
Mukeshimana Jolie
Niyibigira Schrack
