Ku wa gatatu, tariki ya 3 Werurwe, Jake Sullivan, Umujyanama w’umutekano muri Reta zunze ubumwe za Amerika yagiranye ikiganiro na Luigi Mattiolo ushinzwe ububanyi n’amahanga mu biro bya Minisitiri w’intebe w’Ubutaliyani aho ibiganiro byabo byagarutse ku guhuriza hamwe imbaraga mu gukora iperereza ku rupfu rwa Ambasaderi Luca Attanasio wiciwe muri DR Congo .
Luca Attanasio w’imyaka 43 y’amavuko yishwe kuwa Ku ya 22 Gashyantare n’abarwanyi bikekwakko ari abo mu mutwe wa FDLR .
Mu itangazo rwashyizwe ahagaragara n’ibiro bya Minisitiri w’intebe w’Ubutaliyani riragira riti”Amerika yihanganishije igihugu cyacu kubwo kubura Ambasaderi wacu muri Repubulika iharanira Demokarasi ya Congo, Luca Attanasio, umurinzi we Vittorio Iacovacci n’umushoferi wabo wo muri Kongo, Mustapha Milambo, biciwe muri Repubulika Iharanira Demokarasi ya Kongo, ku ya 22 Gashyantare.”
Ambasaderi Luca n’abandi bantu 2 baguye mu gitero cyagabwe ku modoka z’umuryango wabibumbye ishami rishinzwe ibiribwa PAM,. Ni igiteri cyabereye muri Teritwari ya Nyiragongo mu majyarugur ya Kivu.
Kugeza ubu nta numwe mu bagabwe iki gitero urafatwa ngo ashyikirizwe ubutabera ari nabyo Leta zunze ubumwe za Amerika ziyemeje gufatanyamo n’Ubutaliyani mu guhiga abagize uruhare muri iki gitero bagahanwa
