Ron DeSantis, Guverineri wa Leta ya Florida, yahagaritse ibyo kwiyamamaza ashyigikira Trump nyuma yo kubona ko atatsindira kuyobora Amerika kuko abamushyigikiye ari bake.
Gukuramo kandidatire ye,yabitangaje mbere gato y’uko Aba-Républicain bakora amatora y’ibanze muri Leta ya New Hamshire, aho yabonyeko ashyigikiwe nabake cyane.
Ikinyamakuru BBC cyanditse ko DeSantis yigeze kugaragara nk’umukandida ukomeye ushobora guhagararira ishyaka ry’aba-Républicain ariko tariki 21 Mutarama 2024 yatangaje ko nta cyerekezo cyo kuzatsinda amatora we abona.
Yavuze kandi ko iyo aza kuba hari icyo yakora cyamugeza ku ntsinzi, nko kwiyamamaza byisumbuye cyangwa ibiganiro yabikora.
Ku musozo yashimangiye ko ashyigikiye Donald Trump ubu uyoboye abandi bakandida b’aba-Républicain, nyuma yo kubona amajwi 51% muri Leta ya Iowa, Kandi ko akurikije uburyo Trump akunzwe ko bigaragara ko aba-Républicain bifuza guha Trump andi mahirwe yo kuyobora indi manda.
Ron deSantis abaye uwa gatatu umaze guharira Trump agahitamo kumujya inyuma kuko mu minsi ishize hari Ramaswamy na Christie nabo bahataniraga kuyobora Amerika nyuma babivamo baharira Trump uwo mwanya , bahitamo kumujya inyuma.
Niyonkuru Florentine
Rwandatribune.com
