Ibifashijwemo na ba rutahizamu bayo bahagaze neza,ikipe ya Arsenal yatsinze Fulham mu mukino ufungura Premier League 2020/2021 ibitego 3-0,iyisanze ku kibuga cyayo Craven Cottage.
Ikipe ya Arsenal yari yabanjemo abakinnyi bayo bashya yaguze barimo Willian na Gabriel Magalhaes,yakoze ibyo yasabwaga n’abakunzi bayo itwara amanota 3 yasabwaga ndetse yinjiza n’ibitego 3-0.
Arsenal yafunguye amazamu ku munota wa 08 w’umukino ku gitego cyatsinzwe na Alexandre Lacazette ku mupira Willian yateye mu izamu,umunyezamu wa Fulham awukuramo ariko usanga uyu rutahizamu w’Umufaransa aho yari ahagaze awushyira mu izamu.
Ntirandekura Dorcas
