Arsenal yatsinze Luton ibitego 4-3 mu mukino wari ukomeye ku mpande zombi ndetse ibitego byinjira cyane kumpande zombi.
David Raya umunyezamu wa Arsenal yagize uburangare mu bitego 2 ikipe ya Luton yatsinze ihita yinjiza igitego.
Arsenal niyo yafunguye amazamu ibifashijwemo na Gabriel Martinelli ku mupira yahawe na Bukayo Saka, gusa Luton yahise yishyura ibifashijwemo na Gabriel Osho,watsinze igitego cy’umutwe ku mupira wari uvuye muri koloneri.
Mbere yo kujya kuruhuka, Gabriel Jesus yatsindiye Arsenal igitego cya kabiri nyuma yo guhuza kwa Saka na Ben White wamuhaye umupira mwiza.
Igice cya kabiri kigitangira, Elijah Adebayo yishyuriye Luton ku mupira yasimbutse awutanga umunyezamu Raya wasohotse nabi.
Barkley yatsindiye Lutn igitego cya 3 ku burangare bwa Raya wari uhagaze nabi, umupira bawuteye umuca munsi y’amaboko. Nyuma y’iminota mike,Kai Havertz yahise yishyurira Arsenal ku mupira mwiza yahawe na Jesus.
Nyuma yo kunganya ibitego3-3, amakipe yombi yahise akina gucungana,kugeza ku munota wa 90 wongeweho iminota 6.
Muri iyo minota,Arsenal yugarije Luton ishaka igitego cy’intsinzi,irashira ariko umusifuzi yongeraho umwe kubera ko umupira wahagaze.
Ku munota 7, Rice yahaye amanota 3 Arsenal, ku mupira watewe na Odegaard umusanga mu rubuga rw’amahina awutera umutwe ugana mu izamu.
Arsenal ikomeje kuyobora shampiyona y’Ubwongereza aho irusha amanota 5 Liverpool iyikurikiye nubwo iyi irakina uyu munsi.
UMUTESI Jessica
Rwandatribune.com
