Umunyarwenya akaba n’umunyamakuru wa Kiss FM, Arthur Nkusi, yibasiwe ku mbuga nkoranyambaga nyuma yo kugaragaza ko ashyigikiye umukunzi we Miss Fiona Muthoni Ntarindwa ushinja Dr. kayumba Christopher kugerageza kumufata ku ngufu.
Fiona Muthoni Ntarindwa ashinja Dr Kayumba Christopher wahoze ari umwarimu muri Kaminuza y’u Rwanda mu ishuri ry’itangazamakuru gushaka kumufata ku ngufu ubwo yamwigishaga mu mwaka wa 2017.
Dr Kayumba udakozwa ibi avuga ko nta kuntu washaka gufata umuntu ku ngufu ngo narangiza akomeze kugutumira mu biganiro bya radiyo na televiziyo nk’uko Fiona yabigenje mu myaka ya 2018 na 2019 ubwo yakoraga kuri Radio/TV10.
Arthur Nkusi usanazwe ukundana na Fiona yibasiwe n’abakoresha imbuga nkoranyambaga by’umwihariko Twitter, ubwo yagaragazaga ko ashyigikiye uyu mukunzi we Fiona agira ati: “Nshuti, nishimira umurava n’imbaraga ugira. Ndakwizera kandi ndagushyigikiye.”
Aya magambo Arthur yatangaje yavuzweho byinshi bamwe bavuga ko ibyo umukobwa avuga ntawabihamya kubera igihe kinini gishize kandi ko nta kuntu umuntu yagufata ku ngufu ngo ukomeze kumutumira mu biganiro.
Uwitwa Alfred Cyiza yagize ati: “Umuntu yagufata ku ngufu se ukajya umutumira mu biganiro byawe, ubundi wagiye ubanza ugatekereza neza? Ahubwo urafitwe musore.”
Uwitwa Sankara ati: “Nta kintu ufite bro. Ubundi hari umuhanuzi witwa Yona wamizwe n’ifi mu myaka yashize. Iyo fi yitwaga Fiona. Rero va ku ndangare y’umukobwa.”
Niyomugabo Emmanuel ati: “Hhhhhhh mbega umukobwa w’amabara narumiwe koko wasanga ashaka kwamamara ntawamenya; yabonye ko atakwamamara atavuze ubusa ku muntu ukomeye hhhhh ni akumiro gusa Arthur ndagusabiye nta chr ufite rwose.”
Undi yagize ati: “Nawe nugerageza azagutanga uriya mu ‘sister’ nta mikino afite, wizanishwa ibintu bya Babe.”
Kagabo Colbert ati: “Uri umuswa cyane ngaho shyigikira simbujije, impamvu ni uko uzi kata irimo sha gusa aragusebeje!”
Hashize igihe gito Arthur Nkusi yeruye ko ari mu rukundo na Fiona Muthoni Ntarindwa usanzwe ari umunyamakuru wa CNBC Africa, yakoreye Radio?TV10 ndetse yanabaye igisonga cya gatatu cya Miss Rwanda 2015.
