Barafinda yagarutse asaba ko haba amasezerano ya Kabiri y’i Arusha!

Nyuma yo kumara igihe Kinini yitabwaho n’abaganga mu bitaro bivura indwara zo mu mutwe i Ndera mu karere ka Gasabo, Barafinda Sekikubo Fred uyobora Ishyaka R²UDA, yandikiye ibaruwa isa n’isekeje umuryango wa Afurika y’Iburasirazuba awusaba gutegura ibiganiro bihuza Leta y’u Rwanda n’amashyaka n’imitwe yiterabwoba iyirwanya mu cyo yise”Amasezerano ya Arusha ya Kabiri”

Ishyaka R2UDA riyobowe na Barafinda ntiriri mu yemewe gukorera ku butaka bw’u Rwanda, gusa mu baruwa yaryo, rivuga ko risaba ko mu bizigirwa muro aya masezerano ya Arusha ya Kabiri basaba , hakwibandwa ku gushyiraho itegekonshinga rihuriweho, ndetse imitwe ya Politiki n’imitwe y’iterabwoba irwanya ubutegetsi bw’u Rwanda ikaritangaho ibitekerezo.

 Yagize ati”Turasaba amasezerano ya Arusha ya Kabiri ahuza ishyaka FPR –Inkotanyi riri ku butegetsi n’andi mashyaka atavugarumwe n’ubutegetsi akorera mu Rwanda no Hanze, turifuza gukemura ibibazo bya Politiki mu Rwanda no gushyiraho itegekonshinga ritanzweho ibitekerezo n’amashyaka yose ya politiki akorera mu Rwanda no hanze n’ imiryango itegamiye kuri Leta.

Ishyaka R²UDA rivuga ko rizagaragaza impamvu zigera ku ijana zitezweho gukemura ibibazo bya Politiki bavuga ko byugarije u Rwanda.

Abakurikiranira hafi Barafinda, bemeza ko ari umugabo  ukunze kuzahazwa n’indwara zikomeye zo mu mutwe, cyane ko mu mwaka ushize, Urwego rw’Ubugenzacyaha RIB rwemeje aya makuru rukanabuza itangazamakuru kumukoresha ibiganiro ,ari naho yanajyanwe i Ndera atangira kwitabwaho n’abaganga bavura bene izi Ndwara.

Barafinda mu Rwanda kandi azwi nk’uwigeze gutanga Kandidatire ku mwanya w’umukuru w’igihugu gusa ntiyakirwa biturutse ku kuba barasanze hari byinshi mu byo Komisiyo y’amatora yasabaga abakandida atari yujuje.