Ibitero by’indege z’intambara kabuhariwe z’Ingabo za ONU,MONUSCO byatangiriye ku mutwe w’inyeshyamba za ADF muri Beni,mu gace ka Mwalika
Nkuko byemejwe n’umuvugizi w’umusigire w’ingabo za FARDC mu bikorwa bya Sokola 1 mu majyaruguru ya Kivu,Liyetena Anthony Mualushayi,mu kiganiro yagiranye na Rwandatribune.
Liyetena Anthony Mualushayi yagize ati:kubufatanye n’ingabo z’Umuryango w’abibumbye MONSUCO kuva kuwa kane taliki ya 13 Gicurasi 2021 mu rukerera ingabo zacu zatangije urugamba rwo kwambura Inyeshyamba za ADF NALU,agace ka Mwalika zagenzuraga,ndetse ubu nitwe tukagenzura,twakurikiranye umwanzi tumwambura ubugenzuzi bw’umuhanda Beni –Kasindi,dukomeje kumuhashya twifashishije ibitero by’indege n’ibyo k’ubutaka.
Twabibutsa kandi ko kuva hafatwa cyemezo cya Leta cyo gushyiraho ibihe bidasanzwe mu ntara ya Kivu y’Amajyaruguru na Ituri ingabo za Kongo zimaze kwigarurira uturere icumi twagenzurwaga n’inyeshyamba za ADF.
Mwizerwa Ally
