Bobi Wine vuba aha azabwira Abagande gutora Museveni-Umuvugizi wa Perezida

Umuvugizi mukuru wa perezida, Don Wanyama, yatangaje ko yishimiye urwego umukandida Perezida wa NUP, Robert Kyagulanyi Ssentamu uzwi ku izina rya Bobi Wine agezeho gusa avuga ko mu minsi iri imbere ariwe uzisabira Abagande gutora Museveni.

Inkuru ya Nilepost ikomeza ivuga ko Wanyama yavuze ko vuba aha, Bobi Wine azabwira abantu gutora umukandida wa NRM, Yoweri Museveni.Ibi Wanyama yabivuze nyuma yuko Bobi Wine yemeje ko ashyigikiye uhagarariye ishyaka NRM mu karere ka Koboko, Dr. Charles Ayume.

Bobi Wine yagize ati: “Nize kuri Ayume igihe kirekire kandi nawe nkeka ko  yanteye inkunga. Uyu munsi ndabwira abaturage ba Koboko kumutora. Nzi ko ntacyo azambwira cyiza ariko aho ari hose, mumubwire ko mushyigikiye ”,

Mu minsi ibiri ishize ubwo Bobi Wine yiyamamazaga mu gace ka Kamuli yemeje ko ashyigikiye Rebecca Kadaga wiyamamariza manda ya Kabiri mu nteko ishingamategeko nk’uhagarariye Ishyaka National Resistance Movement rya Perezida Museveni mu gace ka Kamuli.Uyu Kadaga kandi niwe uyoboye Inteko ishingamategeko ya Uganda icyuye igihe.

Nk’uko Wanyama abitangaza ngo uyu muhanzikazi n’umunyapolitiki agenda yunama buhoro buhoro kugira ngo yemeze Perezida Museveni.Yagize ati: “Vuba cyane, azabwira Abagande gutora Kaguta Museveni, mwe mutegereze”.