Umukandida Perezida w’ishyaka National Unity Platform (NUP)Robert Kyagulanyi Ssentamu uzwi nka Bobi Wine yatangaje ko kuba yujuje Miliyoni 1 y’abamukurikira ku rubuga rwa Twitter ari ikimenyetso simusiga kimwereka ko agomba gutsinda amatora.
Bobi Wine wahoze ari umunyamuziki ukomeye, akunze gukoresha imbuga nkoranyambaga ze nk’intwaro ikomeye yo guha ubuumwa abayoboke b’ishyaka NUP abereye umukandiida perezida, nk’aho ingero nyinshi z’akavuyo n’imyigaragambyo byabaye muri iyi myiteguro y’amatora zaterwaga n’ubutumwa yatambukije ku mbuga nkoranyambaga.
Mu butumwa yanyujije ku rubuga rwa Twitter, yavuze ko kuba yujuje Miliyoni y’abamukurikira umunsi umwe mbere y’amatora atari ibintu byahuriranye gusa, ahubwo yemeza ko ari ikimenyetso gikomeye kimugaragariza ko agomba gutsinda amatora yo ku munsi w’ejo kuwa Kane.
Yagize ati” Ngize Miliyoni 1 y’abankurikira hano ni mbere y’umunsi umwe ngo amatora abe, ikini ni kimwe mu bimenyetso binyereka ko insinzi iri ku ruhande rwacu, nibyo Turimo gukuraho umunyagitugu”
Hakomeje kwibazwa uko Bobi Wine akomeje gukoresha imbuga nkoranyambaga ze, mu gihe Guverinoma ya Uganda ku munsi w’ejo kuwa Kabiri yari yatangaje ihagarikwa ryazo muri ibi bihe bikomeye by’amatora.Binavugwako abakoresha imbuga nkoranyambaga za Bobi Wine yabohereje mu gihugu cya Kenya aho biteguye kugaragaza aho bizaba bitagenda neza mu matora yo ku munsi w’Ejo kuwa Kane tariki ya 14 Mutarama 2021.
Ildephonse Dusabe
