Abashyigikiye umunyapolitiki utavuga rumwe n’ubutegetsi bwa Uganda, Robert Kyagulanyi, uzwi cyane ku izina rya Bobi Wine, batanze ibindi bimenyetso mu rukiko rukuru rw’igihugu ku byavuye mu matora yatumye Perezida Yoweri Museveni asubira ku butegetsi.
Itsinda ry’abacamanza riyobowe n’umucamanza mukuru Alfonce Owiny Doro, ririmo kumva ubu bujurire mu rukiko rukuru.
Ibi bibaye nyuma yuko abunganira Bobi Wine basabye urukiko kongera ibimenyetso byinshi ku byavuye mu matora yo muri Mutarama.
Perezida Museveni yatsinze amatora n’amajwi 58.08 ku ijana mu gihe Robert Kyagulanyi yatsinzwe n’amajwi 35% . Kuva iibyavuye mu matora byagateganyo yasohoka Bobi Wine yahise atera utwatsi ibyayavuyemo aho yemeje ko Museveni yakoresheje uburiganya.
Abunganira Perezida Museveni bamaze guhabwa kopi y’ibirego kandi NUP ibarega , bahawe umwanya wo kubisuzuma , bakazagaruka ku rukiko kuwa Kane aho bazahita bahabwa itariki bazaburaniraho nyuma y’iminsi 45 nkuko amategeko abiteganya.
